O Festival Ortigueira promociónase mañá en Bruxelas dentro do "Celtic Connections Evening" O Centro gallego de Bruxelas La Tentation acolle o 7 de outubro a celebración do primeiro "Celtic Connections evening". Trátase dunha noite de concertos organizada pola Fundación Galicia Europa e máis polas representacións permanentes de Gales, Escocia, Irlanda e Bretaña ante a UE, co ánimo de promocionar entre o público europeo a artistas das distintas nacións celtas. O Festival Ortigueira estará presente con material informativo no evento.
