 |
|
    Rolda de Subscrición           |
|
Noticias Estrea do álbum debut dos gañadores do Runas'06, Daniel Bellón & Diego Maceiras [02/01/2007] Os gañadores do Escenario Runas'06, o gaiteiro Daniel Bellón e o acordeonista Diego Maceiras- que se acompañaron para a ocasión polo guitarrista Álex Blanco veñen de presentar o seu traballo discográfico: Unión das Terras. A publicación é o premio por trunfar, tamén o pasado ano, no Certame Folque de Radio Obradoiro. Os feneses estrearon o pasado 29 de decembro na súa vila natal o que será o seu primeiro álbum, titulado Unión das terras. O proxecto, no que participan artistas convidados, é unha suma de composicións propias e "reinterpretacións" de temas de corte tradicional doutras culturas. Culminaba así un ano inzado de éxitos para estes mozos, tanto como grupo como a nivel individual. Cómpre destacar que Daniel pechaba o verán arrasando de novo no prestixioso premio de gaita Constantino Bellón. A estrea foi ademais anticipo dun ano prometedor no que o dúo- acompañado outra vez por Álex Blanco- debutará, grazas ao apoio do público do Escenario Runas, no palco principal do Festival Ortigueira'07, que terá lugar entre o 5 e o 8 de xullo. |
|
Máis información: 
|
|
 |
|