Festival de Ortigueira

Grupos

Marful

Un dos proxectos máis orixinais e sorprendentes do panorama galego. O cuarteto, liderado pola vocalista e compositora Ugía Pedreira, estréase en Ortigueira, cando está a piques de sacar ao mercado novo traballo.

Se a través do seu álbum debut conseguía reabrir con éxito os salóns de baile dos anos corenta, no actual fixan a súa mirada no cinema. Pasodobres, swings, mambos, valses, xotas forman parte do seu combo musical, que incorpora ritmos de todo o mundo: Brasil, Cuba, Italia...

O aumento das composicións propias e da variedade instrumental, froito da versatilidade dos irmáns Pedro e Pablo Pascual e do guitarrista Marcos Teira marcan a nova entrega dos artífices do celebrado "Salón de baile". Un inicio de auténtico luxo para o venres.

Máis información

• Web oficial de Marful

• Entrevista en Akelarre folk (pdf, 25,47 kb)

Vídeos