 |
|
              |
|
« Festival 2007 Bagad Kemper  A bagad máis importante do mundo abrirá a sesión de macroconcertos do sábado. Con medio século de vida, esta banda, composta por medio cento de músicos -divididos en tres grupos ou "pupitres" seguindo a denominación que eles lle dan: gaitas, bombardas e percusión- é herdeira do rico patrimonio musical das terras bretonas. A base do seu repertorio son marchas, bailes e melodías da rexión. Non obstante, o espectáculo que traen a Ortigueira vai por outra liña. En "Sud ar su" arranzan pezas representativas doutros estilos musicais e fusionan o seu son co dos instrumentos dos numerosos artistas convidados, figuras como a gaiteira Susana Seivane. Montaxes como a que presentarán fan que reivindiquen para a súa música o calificativo de "actual", máis aló do tradicional e do celta. |
|
|
|
 |
|