 |
|
              |
|
« Festival 2007 Pepe Vaamonde Grupo  Debuta no Festival, presentando o seu traballo máis recente, que ten o vento como gran protagonista. A banda- liderada polo gaiteiro e frautista que lle presta o nome- busca outra vez, neste segundo disco, a inspiración nos elemento naturais. Primeiro foi a auga e en "Onde nace o vento", que así se chama o actual, a musa é Eolo. Para a ocasión contaron coa participación de colaboradores de luxo como John Joe Kelly de Flook, grupo co que compartirán táboas en Ortigueira. Sons claramente tradicionais conviven con outros vangardistas neste proxecto musical marcadamente persoal, no que Vaamonde vese secundado polas guitarras, o baixo e a percusión. O resultado é unha música alegre e rápida, con gran forza emocional e pensada para o directo. Web oficial do grupo |
|
|
|
 |
|